(मालेगाव) मालेगाव येथील जे ए टी महिला महाविद्यालयात समान संधी कक्ष आणि विद्यार्थी कल्याण मंडळ यांच्या संयुक्त विद्यमाने अल्पसंख्यांक दिवस साजरा करण्यात आला. याप्रसंगी व्याख्यान आणि घोषवाक्य स्पर्धा याद्वारे विद्यार्थिनींना मार्गदर्शन करण्यात आले. कार्यक्रमाचे अध्यक्षस्थानी महाविद्यालयाचे प्राचार्य डॉ. अन्सारी मोहम्मद अरुण मोहम्मद रमजान हे होते. महाविद्यालय समन्वयक डॉ. सलमा अब्दुल सत्तार यांनी विद्यार्थिनींना मार्गदर्शन केले. कला आणि विज्ञान शाखेच्या विद्यार्थिनींसाठी घोषवाक्य स्पर्धेचे आयोजन करण्यात आले होते. विद्यार्थिनींनी उत्स्फूर्तपणे यात सहभाग नोंदविला. पारितोषिक प्राप्त विद्यार्थिनींचे प्राचार्य डॉ. अन्सारी आणि डॉ. सलमा सत्तार यांनी कौतुक केले. कार्यक्रमाचे प्रास्ताविक प्रा. समान संधी कक्षाच्या समन्वयक प्रा. सुनेत्रा मेश्रामकर यांनी केले. सूत्र संचालन डॉ. फरजाना यांनी केले. कु. मन्ताशा हिने आभार मानल्या वर कार्यक्रमाची सांगता झाली.
