कोरोनामुळे अनाथ झालेल्या मुलांना पेन्शन, असा मिळणार लाभ

🔴कोरोनामुळे अनाथ झालेल्या मुलांना मिळणार पेन्शन

🔴 मासिक विधवा पेन्शनच्या 75 टक्के रक्कम कमीत कमी 750 रुपये दरमहिना

🔴 नोकरीत असलेल्या किंवा EPFO / EPS सदस्य असलेल्या पालकांच्या पाल्यांनाच मिळणार पेन्शन

कोरोना महामारीत कुणाचे वडील गेले, तर कुणाची आई...! काही मुले तर एकदम अनाथ झाली, उघड्यावर आली. अशा अनाथ मुलांना मोदी सरकारने मदतीचा हात दिला आहे. कर्मचारी भविष्य निर्वाह निधीने (EPFO) ट्विट करीत याबाबतची माहिती दिली आहे.

कोरोनात आई-वडिलांचा मृत्यू झालेल्या अनाथ मुलांना 'एम्‍प्‍लॉई पेंन्शन स्कीम' (EPS) अंतर्गत आर्थिक मदत केली जाते. ज्या मुलांचे आई किंवा वडील नोकरीला असतील, तसेच 'ईपीएस'चे सदस्य असतील, त्यांच्या मुलांना ही पेन्शन दिली जात आहे.

 नव्या नियमांनुसार 15 हजार रुपये बेसिक पगार असल्यास, कंपनी 8.33 टक्के (1250 रुपये) रक्कम कर्मचाऱ्याच्या 'ईपीएस'मध्ये जमा करते. कर्मचाऱ्यांच्या वेतनातून त्यासाठी पैसै कट केले जात नाहीत.

 मुलांना अशी मिळेल पेन्शन..!

▪️ मासिक विधवा पेन्शनच्या 75 टक्के रक्कम (कमीत कमी 750 रुपये दरमहिना) अनाथ मुलांना मिळणार आहे. 

▪️ एका वेळी दोन अनाथ मुलांना प्रत्येकी 750 रुपये प्रति महिना पेन्शन मिळेल. 

▪️ ईपीएस योजनेअंतर्गत अनाथ मुलांना वयाच्या 25 वर्षांपर्यंत ही पेन्शन दिली जाईल.

▪️ मूलं दिव्यांग असल्यास आयुष्यभर पेन्शन दिली जाणार आहे.