मालेगाव तालुक्यातील पाटणे येथील पंडित जवाहरलाल नेहरू माध्यमिक व उच्च माध्यमिक विद्यालयात गुरु पौर्णिमेनिमित्त आयोजित मार्गदर्शन शिबिराने विद्यार्थ्यांमध्ये उत्साह आणि प्रेरणा निर्माण केली. या कार्यक्रमात मालेगाव ग्रामीणचे उपविभागीय पोलीस अधिकारी श्री. नितीन गणापुरे यांनी विद्यार्थ्यांना अनेक महत्त्वाच्या विषयांवर मार्गदर्शन केले.
श्री. गणापुरे यांनी विद्यार्थ्यांना व्यसनमुक्तीचे महत्त्व पटवून देण्यासाठी अनेक उदाहरणे दिली. त्यांनी विद्यार्थ्यांना प्रेरणा देण्यासाठी स्वातंत्र्यसैनिक आणि समाजसुधारकांच्या कथा सांगितल्या. स्त्री शिक्षणाचा पुरस्कार करण्यासाठी त्यांनी सावित्रीबाई फुले यांच्या कार्याचा उल्लेख केला.
मोबाईल फोनचा अतिवापर टाळण्याचा सल्ला देताना श्री. गणापुरे यांनी त्याचे विपरीत परिणाम समजावून सांगितले. त्यांनी विद्यार्थ्यांना जीवनात ध्येय निश्चित करण्यास आणि ते साध्य करण्यासाठी प्रयत्न करण्यास प्रोत्साहित केले.
सायबर गुन्हे आणि पॉक्सो कायद्याची माहिती देऊन श्री. गणापुरे यांनी विद्यार्थ्यांना गुन्हेगारीपासून स्वतःचे संरक्षण कसे करावे याबद्दल मार्गदर्शन केले.
श्री. गणापुरे यांनी विद्यार्थ्यांना चांगले नागरिक बनण्यासाठी प्रयत्न करण्यास आणि समाजासाठी योगदान देण्यास प्रेरित केले.
कार्यक्रमात श्री. अहिरे एस.डी. यांनी प्रास्ताविक केले, श्री शेवाळे जेे.टी. यांनी प्रमुख पाहुण्यांचा परिचय करून दिला, तर श्री. सरक ए.व्ही. यांनी सूत्रसंचालन केले. श्री. बागुल जी.बी. यांनी समारोप आणि आभार मानले.
कार्यक्रमात हवालदार संतोष कनोरे आणि दीपक सोनवणे , गावातील प्रतिष्ठित नागरिक, शिक्षक, शिक्षकेतर कर्मचारी आणि विद्यार्थी मोठ्या संख्येने उपस्थित होते.
