केंद्र सरकारी कर्मचाऱ्यांच्या महागाई भत्त्यात ३ टक्क्यांची वाढ करण्याचा निर्णय घेण्यात आला असून, यासाठी अतिरिक्त हप्ता जारी करायला प्रधानमंत्री नरेंद्र मोदी यांच्या अध्यक्षतेखाली आज झालेल्या मंत्रीमंडळाच्या बैठकीत मंजुरी देण्यात आली. १ जानेवारी २०२२ पासून पूर्वलक्षी प्रभावाने ही वाढ लागू होणार असून, ४७ लाख ६८ हजार कर्मचाऱ्यांना आणि ६८ लाख ६२ हजार निवृत्तिवेतनधारकांना याचा लाभ होणार आहे.