मालेगाव (जय योगेश पगारे) मालेगाव शहरात सकाळपासून सुरू असलेल्या संततधार पावसामुळे अनेक भागात मोठ्या प्रमाणात पाणी साचले असून पाणी निघण्यास सोय नसल्याने अनेक घरांत पाणी शिरले आहे, कलेक्टर पट्टा, पटेल नगर, बोरसे नगर आदी भागातही मोठ्या प्रमाणात पाण्याचे साम्राज्य असून नागरिकांना अनेक अडचणींचा सामना करावा लागत आहे, लहान मुले आबालवृद्धांची तर कमालीची गैरसोय होत आहे, प्रशासन झोपेचे सोंग घेवून बसले का असा सवाल संतप्त नागरिक करीत आहेत,
सोयगावात अनेक वाहने फसली
अनेक ठिकाणी गटारे तुंबल्याने रस्त्यावर पाणी आले आहे, त्यामुळे नागरिकांच्या आरोग्यास मोठा धोका निर्माण झाल्याने प्रशासनाने त्वरित पावले उचलावी अशी मागणी नागरिक करीत आहेत.
पारिजात कॉलनी ते मराठी शाळा सोयगाव पर्यंत भुयारी गटारी चे काम पूर्णत्वास आले आहे, परंतु खोदकामामुळे रस्त्यावर मोठ्या प्रमाणात चिखल झाला असून यामध्ये अनेक लहान-मोठी वाहने फसली आहेत
