ठाणे (जय योगेश पगारे) मुंबईत भाजप च्या जन आशीर्वाद यात्रेला मोठ्या संख्येने कार्यकर्ते पोहोचत आहेत. दरम्यान, चोरांचे डोळेही या यात्रेवर आहेत. गर्दीचा फायदा घेऊन चोर हात साफ करत आहेत.
भाजपच्या या जन आशीर्वाद यात्रेत एक टोळी आहे ज्याने सर्वांची झोप उडवली आहे. ही टोळी त्या चोरांची आहे ज्यांनी गर्दीचा फायदा घेऊन मोबाईल, पाकीट, घड्याळ, सोनसाखळी, ब्रेसलेट वर हात साफ केले. मुंबई- ठाणे शहरात केंद्रीय मंत्री कपिल पाटील यांच्या जन आशीर्वाद यात्रेदरम्यान मालेगावहून आलेल्या चोरांच्या टोळीने चांगलेच हात साफ केले. ठाणे गुन्हे शाखेने या टोळीतील चार जणांना अटक केली आहे. त्यांच्याकडून, कारसह, 10 मोबाईल व लाखाच्या वर रोकड जप्त केली आहे
एकुण सुमारे रु. ६, ६९, ०००/- रूपये किंमतीचा मुद्देमाल नमुद आरोपींकडून जप्त
ठाणे पोलीस आयुक्तालयात राजकीय कार्यक्रमांमध्ये सहभागी नागरीकांचे खिसे कापुन पैसे व मोबाईल फोन चोरी केलेल्या घटना घडल्या होत्या. सदर घटनांचे अनुषंगाने कोपरी पोलीस ठाणे येथे दोन गुन्हे दाखल करण्यात आले आहेत. सदर गुन्हयाचा समांतर तपास युनिट ५ गुन्हे शाखा ठाणे करीत होती. दिनांक १९ / ०८ / २०२१ रोजी सपोनि श्री भुषण शिंदे युनिट ५, वागळे इस्टेट यांना बातमीदारामार्फत सदर गुन्हयातील संशयीत आरोपींबाबत माहिती प्राप्त झाली. सदर माहितीचे आधारे व तांत्रिक विश्लेषणाद्वारे संशयीत आरोपी हे शिळफाटा पनवेल रोडवरील दहिसर मोरी येथील कल्पवृक्ष हॉटेल जवळ येणार असल्याची खात्री झाल्याने, युनीट ५, , वागळे इस्टेट गुन्हे शाखेचे अधिकारी व अंमलदार यांनी सापळा रचुन खालील आरोपीत यांना १२:३० वाजता ताब्यात घेण्यात आले आहे.
ठाणे शहर गुन्हे शाखेचे वरिष्ठ पोलीस निरीक्षक विकास घोडके म्हणाले की, ही टोळी स्वतःला जमावाचा एक भाग बनवायची. मोठ्या नेत्यांचे स्वागत झाले किंवा घोषणाबाजी होते तेव्हा चोर त्यांचे काम पार पाडत असत. या यात्रेत अनेक कार्यकर्त्यांचे मोबाईल आणि रोख रक्कम चोरीला गेली आहे , ज्याची तक्रार जवळच्या पोलीस ठाण्यात नोंदवण्यात या प्रकरणाची नोंद झाल्यानंतर त्याचा तपास सुरू झाला, त्यानंतर ही टोळी गुन्हे शाखेच्या निशाण्याखाली आली. या चोरी प्रकरणी ठाणे गुन्हे शाखेने मालेगावच्या एका टोळीतील 4 जणांना अटक केली आहे.
या चोरांनी चोरीसाठी मालेगावहून कारही आणली होती. अबूबकर (उर्फ अबू कबुतर)उस्मान अन्सारी (35 वर्षे) रा. मालदे शिवार, नदित अख्तर फैयाज अन्सारी (30 वर्षे), रा. आयेशा नगर, अतीक अहमद मो. स्वराती अन्सारी (51) रा. रमजान पुरा, आणि अश्पाक अहमद अन्सारी (38) रा. दत्तनगर अशी अटक केलेल्या चार आरोपींची नावे आहेत. हे चारही आरोपी मालेगावचे रहिवासी असून मालेगावहून ठाण्यात जन आशीर्वाद यात्रेत चोरीच्या इराद्याने आले होते.
ठाणे शहर गुन्हे शाखेचे वरिष्ठ पोलीस निरीक्षक विकास घोडके म्हणाले की, गुन्हे शाखेने सीसीटीव्ही फुटेज तपासले असता गुन्हे शाखेला या टोळीचे फोटो मिळाले. यासोबतच अनेक त्यानंतर गुन्हे शाखेच्या पथकाने टोळीतील चार लोकांना अटक केली. शिळफाटा येथील हॉटेलजवळ पोलिसांनी चोरट्यांना अटक केली.
झडती दरम्यान त्याच्याकडे एक लाख 19 हजार रुपये रोख आणि 10 मोबाईल फोन सापडले आणि पोलिसांनी कारचा ताबा घेतला. पोलिसांनी सांगितले की, त्यांची चोरी कण्याची पद्धत अशी होती की, एखाद्या मोठ्या राजकीय कार्यक्रमाची किंवा एखाद्याच्या लग्नाची किंवा पार्टीची माहिती मिळाल्यानंतर हे चोर कारने तिथे पोहोचत असत. ते नंतर मिरवणुकीत सामील होतात आणि ब्लेडने लोकांचे खिसे कापत किंवा खिशात हात घालून रोख चोरतात. त्यांच्याविरोधात नाशिक, मुंबई आणि नवी मुंबई मालेगावच्या विविध पोलीस ठाण्यात डझनभर गुन्हे दाखल आहेत.
