स्मार्ट फोन चोरी झाला ? आता चिंता नको! या सरकारी पोर्टलच्या मदतीने असा करा ब्लॉक..

 स्मार्टफोन चोरी झाल्यानंतर त्या व्यक्तीच्या पैशांचं नुकसान तर होतंच शिवाय फोनमध्ये असलेला खासगी डेटा फोटो, व्हिडिओ, नोट्स, वा अन्य महत्वाच्या गोष्टीची माहिती  धोक्यात येते . त्यामुळे यापासून बचाव होण्यासाठी फोन चोरी झाल्यास, तो लगेच ब्लॉक करणं अतिशय महत्त्वाचं आहे..

•   सर्वात आधी FIR दाखल करा 

मोबाईल फोन हरवल्यानंतर, सर्वात आधी पोलीस स्टेशनमध्ये एक FIR दाखल करावी लागेल. मोबाईल चोरीचा रिपोर्ट ऑफलाईनसह ऑनलाईनही दाखल करता येतो. FIR दाखल केल्यानंतर याची कॉपी आणि कम्प्लेंट नंबर स्वत:कडे ठेवा.

• रजिस्टर करण्यासाठी  https://ceir.gov.in/Home/index.jsp ला जा 

त्यानंतर सेंट्रल इक्विपमेंट आयडेंटिटी रजिस्टरच्या वेबसाईटवर https://ceir.gov.in/Home/index.jsp जावं लागेल. CEIR कडे देशातील प्रत्येक मोबाईल फोनचा डेटा फोन मॉडेल, सिम, IMEI नंबर उपलब्ध असतो, ज्याच्या मदतीने चोरी झालेला फोन शोधता येऊ शकतो. यामुळे फोन ब्लॉक किंवा अनब्लॉक करता येऊ शकतो.

ceir.gov.in वर क्लिक केल्यानंतर तीन ऑप्शन 

1. Block/Lost Mobile, 
2. Check Request Status आणि 
3. Un-Block Found Mobile  मिळतील. 

चोरी झालेला फोन ब्लॉक करण्यासाठी Stolen/Lost Mobile ऑप्शनवर क्लिक करावं लागेल. त्यानंतर नवं पेज ओपन होईल त्यात, आपल्या मोबाईल फोनची सर्व माहिती द्यावी लागेल.

• काय माहिती अपलोड करावी लागेल ? 
• मोबाईल माहितीमध्ये 

1. मोबाईल नंबर, 
2. IMEI नंबर, 
3. डिव्हाईस ब्राँड, 
4. कंपनी, 
5. फोन खरेदीचं इनव्हॉईस, 
6. फोन हरवल्याची तारीख

 सामिल आहे. त्याशिवाय राज्य, जिल्हा, फोन चोरी झाल्याची जागा, कम्प्लेंट नंबर दाखल करावा लागेल. त्याशिवाय FIR कॉपी अपलोड करावी लागेल. त्यानंतर अॅड मोर कम्प्लेंटवर क्लिक करावं लागेल, 

ज्यात मोबाईलच्या 

1. मालकाचं नाव, 
2. पत्ता, 
3. आधार कार्ड, 
4. पॅन कार्ड,
5. ड्रायव्हिंग लायसन्स

 आणि आयडेंटिटीची माहिती द्यावी लागेल. त्यानंतर आपला मोबाईल नंबर टाकावा लागेल.

• वेरिफिकेशन OTP 

वेरिफिकेशनसाठी तुमच्या नंबरवर एक OTP येईल, त्यानंतर वेरिफिकेशन होईल. याप्रमाणे फायनल सबमिट करुन मोबाईल फोन ब्लॉक होईल. तसंच फोनबाबत कोणतीही माहिती मिळाल्यास, तो युजरकडे पोहोचवला जाईल.

(credits: news18)